عربي ودولي

578

السيسي يهاجم الإعلام ويطالب ببث الأمل في نفوس المصريين

قال الرئيس المصري عبدالفتاح، اليوم الأحد على هامش ندوة للقوات المسلحة معلقاً على نسب المشاركة في الجولة الأولى بالانتخابات البرلمانية: "يا ترى نسب الحضور في الانتخابات البرلمانية في العالم كله إحنا فين منها، وفيه ناس تعجبوا من خروجي لدعوة الناخبين للإدلاء بأصواتهم"، موضحا "أنا مش كبير عليكم عشان أطلع وأقول روحوا الانتخابات، مافيش مقام عالي، المقام العالي لبلدنا فقط، والناس اللي نزلت بقولها متشكر، والناس اللي ما نزلتش بقولهم انزلوا المرة الجاية، ولو سمحتم خلوا الهدف أننا نحافظ على بلدنا".

كما طالب السيسي الإعلام بضرورة أن يبث الأمل في نفوس المصريين قائلا: "اوعو تخلوا الناس تفقد الأمل، الموظفين والمسئولين هيشتغلوا أزاي في هذا المناخ، الوعي والإعلام لازم يعمل حاجة للبلد، وأنا بأكرر الكلام وبقولكم 17 شهر مش 17 سنة معناه أنى ناوي اقعد 17 سنة، دا كدة كويس أوى".

كما علَق السيسي على الأزمة التي وقعت مؤخرًا في محافظة الإسكندرية بعد هطول الأمطار بكميات كبيرة وغرق الشوارع وبعض المناطق بها، قائلاً: "السنوات الخمس الماضية كان لها تأثير كبير على قدرة الدولة وأجهزتها وبنيتها الأساسية، وكل مسئول يعرف هذه المشكلات جيدًا، وإحنا في ظروف صعبة لها سنوات، ماحدش قال في موضوع إسكندرية إن فيه 60 ألف منزل أتبنوا خارج التخطيط بدون صرف صحي أو كهرباء أو مياه ، وهذا أحد أعراض السنوات الماضية".

واستطرد السيسي موجهًا حديثه للإعلاميين: "هو أنت عشان قدام منك كلام عاوز تقوله تعمل كده في بلدك ولا إيه؟ إحنا لازم نتعامل مع الموضوعات بالفهم اللازم، وأحد الإعلاميين بيقول: الرئيس قاعد مع بتوع سيمنز وسايب إسكندرية تغرق مايصحش كده، هذا أمر لا يليق، إنتو بتعذبوني إني جيت هنا ولا إيه؟".

وقال السيسي غاضبًا: "فيه بعض الناس في الإعلام مش عارفة ولا فاهمة حاجة، حاطة ميكروفون قدامها وبتتكلم منه، إحنا مش بندوس على الزرار ونخلص، ونقول كل حاجة فيها كارثة، طيب يعنى الإعلام ما فيهوش كوارث ولا إيه؟".

وأضاف السيسي: "أنا مش زعلان، بس عاوز حد يقولي أنا أسأت لمين، اتحدي إن حد يطلع أي تعبير غير مناسب أنا قلته لأي حد حتى للناس اللي بتسيء لينا وتتآمر علينا، المرة الجاية أنا هشتكي للشعب المصري منكم موجهًا حديثه لبعض الإعلاميين".